Сорилго уралдаан боллоо

Уламжлалт нийслэлийн тэргүүн магнай  хүлэг шалгаруулах уралдаан энэ сарын 25нд болохоор товлогдсон. Энэхүү  уралдааны сорилго бооцоот уралдаан өчигдөр Төв аймгийн Зуунмод хотноо зохион байгуулагдлаа. Дааганаас бусад бүх насны морьд уралдсан энэхүү уралдаан өглөө найман цагт азаргаар эхэлсэн юм.
Азарга-25
Азарганы уралдаанд 25 хурдан ажнай тоосоо өргөснөөс Төв аймгийн Сэргэлэн сумын уугуул Т.Гансүхийн бор түрүүлж, мөн сумын уугуул Ц.Мэндсайханы зээрд удааллаа.
Харин айргийн гуравт Төв аймгийн Баянцагаан сумын уугуул Доржийн шарга, айргийн дөрөвт  Төв аймгийн Сэргэлэн сумын уугуул М.Баяраагийн хонгор/шинийн дөрвөнд болсон 1,5 сая төгрөгийн бооцоот уралдаанд айргийн таваар давхисан/ айргийн тавд Зуунмод сумын уугуул Батсүхийн хээр /улс бүсийн наадамд дөрөв айрагдаж, төв аймгийн наадамд гурав айрагдсан хурдан буян/ тус тус  хурдаллаа.
Их морь-24
Төв аймгийн Сэргэлэн сумын уугуул Б.Улаанхүүгийн хонгор
Төв аймгийн Сэргэлэн сумын уугуул Батцэрэнгийн буурал
Говь-Алтай аймгийн уугуул,Нийслэлийн Алдарт уяач Дүйнхэржавын суман хүрэн /бүсийн наадамд дөрвөнтөө айрагдагдсан хурдан хүлэг/
Говь-Алтай аймгийн уугуул,Нийслэлийн Алдарт уяач Дүйнхэржавын суман хээр
Төв аймгийн Сэргэлэн сумын уугуул Нямбатын буурал
Соёолон-20
Төв аймгийн Баянцагаан сумын уугуул Басбишийн хээр
Төв аймгийн Баян-Өнжүүл сумын уугуул Энхболдын хонгор халзан
Төв аймгийн Сэргэлэн сумын уугуул Баярсайханы бор /хэдхэн хоногийн өмнө Налайхад болсон уралдаанд айрагдсан/
Төв аймгийн Сэргэлэн сумын уугуул Эрдэнэбаярын халтар
 Хонгор /эзэн нь тодорхойгүй/
Хязаалан-43
Төв аймгийн Сэргэлэн сумын уугуул Б.Сүхбаатарын /”Сэргэлэн хурд” МСУХ-ны тэргүүн/ буурал
Төв аймгийн Сэргэлэн сумын уугуул Д.Цэдэнсодномын зээрд
Улаанбаатар хотын харьяат Энхболдын зээр /хэдхэн хоногийн өмнө Чойрын уралдаанд айрагдсан/
Төв аймгийн Баян сумын уугуул Саранхүүгийн халтар
 Төв аймгийн Сэргэлэн сумын уугуул Отгоогийн хонгор
Шүдлэн-24
Төв аймгийн Сэргэлэн сумын уугуул Б.Сүхбаатарын хээр /Дүнжингаравын түрүү Б.Наранхүүгийн хээр азарганы төрсөн дүү/
Төв аймгийн Сэргэлэн сумын уугуул С.Батболдын хар /УИХ-ын гишүүн Су.Батболд/
Төв аймгийн Баянцагаан сумын уугуул Доржийн хээр
Төв аймгийн Сэргэлэн сумын уугуул С.Энхээхүүгийн цавьдаг /Сундуй Манлайн хүү/  4
Төв аймгийн Баян сумын уугуул, Нийслэлийн Алдарт уяач Буянтогтохын  зэгэл
Хаврын тэнгэр аашаа харуулсан зэвэргэн өдөр болсон энэхүү уралдаанд Сэлэнгэ аймгийн Мандал сумын уяачид  хурдан хүлгэдтэйгээ ирсэн нь хамгийн холын “зочид” байлаа. Морь тус бүрээс 20,000 төгрөгний хураамж аван айргийн морьдоо байлсан хэмээн зохион байгуулагчид ярьж байлаа.
А.Тэлмэн