2023 оны ММСУХ-ны чансаа өндөр уяачид

Монгол улсын биеийн тамир спортын тухай хуулийн 4-р зүйлийн 1.2 заалт, Олон улсын морин уралдааны холбооны дүрмийн ... заалтуудыг үндэслэн ММСУХ- ны Рейтингийн зөвлөл Монголын улсын чансаа өндөр уяачид, уралдаанч  хүүхдүүд, азарга, их насны морьдын  чансааг тогтоодог болсоор багагүй хугацаа өнгөрч буй. 2023 оны уралдаануудад үзүүлсэн амжилтаараа дараах есөн уяачид шилдэгт эрэмбэлэгджээ. Үүнд:

1.Хан-Уул дүүргийн харьяат Тод манлай уяач Мягмарсүрэнгийн Алтан-Очир  улсын баяр наадмаас нэг түрүү, дөрвөн айраг авч 18 оноо, улсын бүсийн уралдаанаас гурван түрүү, 13 айраг хүртэн 39 оноо цуглуулан нийт 57 оноогоор чансааны нэгдүгээрт бичигдсэн байна. Ийнхүү тэрээр анх удаа Монгол Улсын Чансаа өндөр уяачдыг тэргүүлжээ. 

2.Төв аймгийн Сэргэлэн сумын уугуул, Дорнод аймгийн Баянтүмэн сумын харьяат Тод манлай уяач Ононгийн Батбилэг  өнгөрөгч онд улсын баяр наадмаас нэг түрүү, нэг айраг авч есөн оноо, улсын бүсийн уралдаанаас дөрвөн түрүү, найман айраг хүртэн 35 оноо цуглуулан нийт 44 оноогоор чансааны хоёрдугаарт бичигдсэн байна.

3.Төв аймгийн Сэргэлэн сумын уугуул Тод манлай уяач Түмэндэлгэрийн Ихбаяр  өнгөрөгч онд улсын баяр наадмаас хоёр түрүү, таван айраг авч 26 оноо, улсын бүсийн уралдаанаас нэг түрүү, гурван айраг хүртэн 11 оноо цуглуулан нийт 37 оноогоор чансааны гуравдугаарт бичигдсэн байна.

4.Хэнтий аймгийн Цэнхэрмандал сумын уугуул Манлай уяач Батсайханы Пүрэв-Очир  өнгөрөгч онд улсын баяр наадмаас нэг айраг авч дөрвөн оноо, улсын бүсийн уралдаанаас хоёр түрүү, найман айраг хүртэн 26 оноо цуглуулан нийт 30 оноогоор чансааны дөрөвдүгээрт бичигдсэн байна.

5.Хэнтий аймгийн Баянхутаг сумын харьяат МУ-ын Алдарт уяач  Энхбатын Дашчирэв  өнгөрөгч онд улсын баяр наадмаас нэг түрүү, нэг айраг авч долоон оноо, улсын бүсийн уралдаанаас дөрвөн түрүү, гурван айраг хүртэн 19 оноо цуглуулан нийт 26 оноогоор чансааны тавдугаарт бичигдсэн байна.

6.Төв аймгийн Алтанбулаг сумын харьяат Тод манлайт уяач  Батмөнхийн Батхүү өнгөрөгч онд улсын баяр наадмаас гурван айраг авч 10 оноо, улсын бүсийн уралдаанаас нэг түрүү, дөрвөн айраг хүртэн 14 оноо цуглуулан нийт 24 оноогоор чансааны зургаадугаарт бичигдсэн байна.

7.Орхон аймгийн Баян-Өндөр сумын харьяат аймгийн Алдарт уяач  Нямжавын Норовжамц өнгөрөгч онд улсын баяр наадмаас хоёр айраг авч долоон оноо, улсын бүсийн уралдаанаас нэг түрүү, гурван айраг хүртэн 12 оноо цуглуулан нийт 19 оноогоор чансааны долоодугаарт бичигдсэн байна.

8.Сүхбаатар аймгийн Халзан сумын харьяат МУ-ын Алдарт уяач  Уртнасангийн Тамир  өнгөрөгч онд улсын баяр наадмаас нэг түрүү авч зургаан оноо, улсын бүсийн уралдаанаас гурван түрүү, нэг айраг хүртэн 12 оноо цуглуулан нийт 18 оноогоор чансааны наймдугаарт бичигдсэн байна.

9.Дорноговь аймгийн Сайншанд сумын харьяат МУ-ын Алдарт уяач  Адуучийн Нямбаатар  өнгөрөгч онд улсын баяр наадмаас зургаан айраг авч 15  оноо цуглуулан нийт 15 оноогоор чансааны есдүгээрт бичигдсэн байна.

Б.Хастөр