Хөвсгөл аймгийн шилдэг хүлгүүд

Хөвсгөл аймгийн “Дэлтэй цэнхэр” МСУХ шинэ  жилийн баярын цэнгүүнээ хийж, 2022 онд амжилтаараа илүүрхсэн шилдгүүдээ тодруулсан байна. Хоймор нутгийн 2022 оны шилдэг хүлгүүдтэй танилцахыг хүсвэл анхаарлаа хандуулна уу.

Шилдэг азарга

Хөвсгөл аймгийн Цэцэрлэг сумын уугуул Монгол Улсын Манлай уяач Гончигбатын Батболдын Хүннү халтар азарга. Үндэсний их баяр наадам, Ардын Хувьсгалын 100, 101 жилийн ойд айргийн тавд хурдалсан амжилтаараа

Шилдэг их нас

Хөвсгөл аймгийн Галт сумын уугуул, аймгийн Алдарт уяач Бүдийн Отгонсэлэнгийн хээр морь. Хөвсгөл аймгийн 90, 91 жилийн ой, хангайн бүсийн хурдан морины уралдааны түрүүлсэн амжилтаараа

Шилдэг соёолон

Хөвсгөл аймгийн Галт сумын уугуул, аймгийн Алдарт уяач Бүдийн Отгонсэлэнгийн саарал соёолон. Үндэсний их баяр наадам, Ардын Хувьсгалын 100, 101 жилийн ойд түрүүлсэн амжилтаараа

Шилдэг хязаалан

Хөвсгөл аймгийн Алаг-Эрдэнэ сумын уугуул, аймгийн Алдарт уяач Энхбаатарын Эрдэнэбатын халиун хязаалан. Хөвсгөл аймгийн 90, 91 жилийн ой, хангайн бүсийн хурдан морины уралдаанд аман хүзүүнд хурдалсан амжилтаараа.

Шилдэг шүдлэн

Хөвсгөл аймгийн Мөрөн сумын уяач Пийчаагийн Дэлгэрсайханы хүрэн халзан шүдлэн. Хөвсгөл аймгийн 90, 91 жилийн ой, хангайн бүсийн хурдан морины уралдаанд аман хүзүүдсэн амжилтаараа.

Шилдэг даага

Хөвсгөл аймгийн Рашаант сумын уугуул Амарсайханы Билигүүдэйн хар даага. Хөвсгөл аймгийн 90, 91 жилийн ой, хангайн бүсийн хурдан морины уралдаанд түрүүлсэн амжилтаараа.

Шилдэг сонгомол дээд нас

Хөвсгөл аймгийн Шинэ-Идэр сумын уугуул, аймгийн Алдарт уяач Цэрэнбатын Чимидбавуугийн хээр азарга. Хөвсгөл аймгийн 90, 91 жилийн ой, хангайн бүсийн хурдан морины уралдаанд түрүү магнайд хурдалсан амжилтаараа.

Шилдэг сонгомол дунд нас

Хөвсгөл аймгийн Рашаант сумын уугуул, аймгийн Алдарт уяач Цэрэндоржийн Амарсанаагийн сартай хүрэн. Хөвсгөл аймгийн 90, 91 жилийн ой, хангайн бүсийн хурдан морины уралдаанд түрүү магнайд хурдалсан амжилтаараа.

Шилдэг сонгомол бага нас

Хөвсгөл аймгийн  Галт сумын харьяат, аймгийн Алдарт уяач Г.Батсугарын хонгор халзан даага. Хөвсгөл аймгийн 90, 91 жилийн ой, хангайн бүсийн хурдан морины уралдаанд түрүү магнайд хурдалсан амжилтаараа тус тус шилдгээр шалгарчээ.

 Т.Наранхүү