Баянхонгорын бүсийн сонгомол ангилалд түрүүлж, айрагдсан хүлгүүд

Баянхонгор аймгийн түүхт 80 жилийн ой, хангайн бүсийн уралдааны сонгомол ангилалд түрүүлж, айрагдсан хүлгүүдийг танилцуулж байна.

Сонгомол дээд:

1. Баянхонгор аймгийн Гурванбулаг сумын уугуул, МУ-ын начин Базаррагчаагийн Сэр-Одын бор. Улсын бүсийн уралдаанд гурав түрүүлж, нэг айрагдан, шигшмэл морьдын “Их хурд-9” уралдаанд айргийн дөрөвт хурдалсан бор морины уяа сойлгыг Лүндээдоржийн Баяржаргал уяач тааруулдаг бөгөөд Мөнхцэцэгийн Пүрэвбат хүү унаж түрүүлгэжээ.

2.Өвөрхангай аймгийн Хархорин сумын уугуул, аймгийн Алдарт уяач Хаянхярваагийн Гарьдмагнайн хээр халзан. Тод манлай уяач Сумъяасүрэнгийн Ганхуягийн унаган хурдан халзангийн уяа сойлгыг аймгийн Алдарт уяач Тогтохбаярын Тогтохжаргал тааруулдаг бөгөөд Алтансүхийн Ууганбаатар хүү унаж хурдлуулжээ.

3.Улаанбаатар хотын Сүхбаатар дүүргийн харьяат, аймгийн Алдарт уяач Зоригтбаатарын Жавхлангийн халтар. Өвөрхангай аймгийн 90 жилийн ой, хангайн бүсийн уралдаанд аман хүзүүнд давхисан  халтар морины  уяа сойлгыг “Агт-Эрдэнэ хүлэг” галын зөвлөх МУ-ын Манлай уяач Ганбаатарын Буянтогтох тааруулж, Алтанболдын Эрдэнэчулуун хүү унаж айрагдуулжээ.

4.Орхон аймгийн Баян-Өндөр сумын харьяат Жамбалдоржийн Батсуурийн хонгор халзан. Хурдан халзангийн уяа сойлгыг Даваажавын Энхбат уяач тааруулж, Зоригийн Бат-Эрдэнэ хүү унаж хурдлуулжээ.

5.Баянхонгор аймгийн Жаргалант сумын харьяат Чимэдцэеэгийн Бямбасүрэнгийн хээр. Хурдан хээрийн уяа Гомбосүрэнгийн Болдбаатар уяач тааруулж Мягмарын Мөнхболд хүү унаж хурдлуулжээ.

Сонгомол дунд:

1.Төв аймгийн Алтанбулаг сумын уугуул, адуу үржүүлэгч Гансүхийн Хадбаатарын бор халзан. Төрийн зарлигт наадмын хоёр айргийн эзэн хурдан халзангийн уяа сойлгыг Чулуунбаатарын Амарсанаа уяач тааруулдаг бөгөөд Баяртүвшингийн Алтангэрэл хүү унаж түрүүлгэжээ.

2.Улаанбаатар хотын Хан-Уул дүүргийн харьяат Ганболдын Оюунболдын хүрэн. Төрийн зарлигт наадмаас нэг айраг хүртсэн хүрэн үрээний уяа сойлгыг аймгийн Алдарт уяач Шаравжамцын Бадамжунай тааруулдаг бөгөөд Баттогтохын Батболд хүү унаж хурдлуулжээ.

3.Дундговь аймгийн Хулд сумын уугуул, МУ-ын СГЗ Нямбуугийн Баянмөнхийн халтар. Уяа сойлгыг аймгийн Алдарт уяач Галсангийн Болдбаатар. Уралдаанч Ганболдын Тэнгис.

4.Өвөрхангай аймгийн Тарагт сумын харьяат, аймгийн Алдарт уяач Доржготовын Шинэмөнхийн Таван цагаан зээрд. Өвөрхангай  аймгийн 90 жилийн ой, хангайн бүсийн уралдаанд айргийн гуравт хурдалсан зээрд үрээний уяа сойлгыг Тод манлай уяач Дашдоржийн Мөнхбат тааруулж, Энхтөгөлдөрийн Аригун хүү унаж хурдлуулжээ.

5.Завхан аймгийн Тосонцэнгэл сумын уугуул, аймгийн Алдарт уяач Сэрээтэрийн Баярсайханы хүрэн халзан. Уяа сойлгыг МУ-ын Алдарт уяач Мягмарсүрэнгийн Алтан-Очир. Уралдаанч Баттулгын Гантулга.

Сонгомол доод:

1.Улаанбаатар хотын Хан-Уул дүүргийн харьяат МУ-ын Алдарт уяач Мягмарсүрэнгийн Алтан-Очирын сартай хээр. Төрийн наадмын түрүү хурдан хээрийг Баттулгын Гантулга хүү унаж түрүүлгэжээ.

2.Сүхбаатар аймгийн Халзан сумын харьяат Раднаабазарын Ганхуягийн цавьдар халзан. Уяа сойлгыг аймгийн Алдарт уяач Тогтохбаярын Тогтохжаргал тааруулсан бөгөөд Алтансүхийн Ууганбаатар хүү унаж хурдлуулжээ.

3.Архангай аймгийн Өндөр-Улаан сумын харьяат, аймгийн Алдарт уяач Шаравжамцын Бадамжунайн сартай хонгор. Өвөрхангай  аймгийн 90 жилийн ой, хангайн бүсийн уралдаанд айргийн дөрөвт хурдалсан хонгор үрээний уяа сойлгыг уяач өөрөө тааруулдаг бол Баттогтохын Батболд хүү унаж айрагдуулжээ.

4.Завхан аймгийн Завханмандал сумын уугуул, МУ-ын Алдарт уяач Цэрэндоржийн Мөнххуягийн зээрд халзан. Уяа сойлгыг Манлай уяач Ганбаатарын Буянтогтох тааруулж, Хүрэлтогтохын Даваабаяр хүү унаж хурдлуулжээ.

5.Говь-Алтай аймгийн Халиун сумын уугуул Жанчивдоржийн Батбаатарын хээр.Уяа сойлгыг Санжаахүүгийн Дүгэржав. Уралдаанч Алтанболдын Эрдэнэчулуун.

 Б.Хастөр