Тод манлай уяач Ононгийн Батбилэг: Азарга тавихдаа эхийн удмыг бодох хэрэгтэй

Төв аймгийн Сэргэлэн сумын уугуул,  Тод манлай уяач 

-Яаж морь уяж сурах вэ? гэхээсээ өмнө яаж хурдан адуутай болох вэ гэж бодох хэрэгтэй.

-Адуугаа сайжруулахад гүү хамгийн чухал үүрэгтэй. Яагаад гэхээр адуу эхийгээ татаж төрдөг.

-Азарга тавихдаа ч гэсэн эх нь ямар гүү байсан билээ гэж бодох хэрэгтэй.  Яагаад гэхээр гарсан төлүүд нь эмээгээ татаж төрдөг юм. 

-Уяаны үед морины чинь бие чангараад мушгисан юм шиг болж байж хурдалдаг. Давхар уяан дээр тэр нь жаахан сулрах маягтай болмогц бие нь алдарчихдаг. Тиймээс хамаагүй хөнгөрүүлэхгүй бас хөл гар луу нь орчихолгүй байх нь чухал.

-Ажиглаад байхад аль болох багадаа морь унаж сурсан хүүхдүүд илүү дадамгай байдаг.

-Морь, хүүхэд эсэн мэнд, аваар осолгүй ирж, айраг түрүүтэй наадчихаад   сэтгэл өег хэвтэж байх л хамгийн сайхан.

"Тод ишлэл" номноос...