"Дүнжингаравын хурд-2012" уралдааныг дөрвөн TV шууд дамжуулна

Энэ жилийн анхны бүсийн уралдаан 3-ны бямба гарагт Төв аймгийн Зуунмод хотноо  зохион байгуулагдана.  Уламжлалт “Дүнжингаравын хурд” уралдаан энэ жил эрлийз морьдыг тусад нь ялгаж уралдуулж буйгаар онцлог болох юм. Уралдах морьдыг 2012 оны 3-р сарын 2 нд ММСУХ-ны байр,  Төв аймагт хүнс хөдөө аж ахуйн газарт  тус тус бүртгэх бөгөөд эрлийз морьдын уралдаанаар өглөөний найман цагт эхэлнэ.
Хурдан морь унаач хүүхдүүдийг "Соёмбо" даатгалын компанид даатгаж буй бөгөөд даатгалыг ММСУХ бүрэн хариуцаж буй аж. Түүнчлэн уралдах морьдын бүртгэлийн хураамж 30.000 төгрөг байх бөгөөд их нас -18 бусад  нас 16 километрээс  тус тус уралдана. Уралдааныг МҮОНРТ, UBS, ТВ-5, ТВ-9 на зэрэг дөрвөн телевиз шууд дамжуулан хүргэхээс гадна FM-89,98  FM-97,5 зэрэг богино долгионы станциудаар хүлээн авч сонсох боломжтой. Дашрамд сонирхуулахад түрүүлж, айрагдсан морьдын 20 унаач  хүүхдийг ММСУХ,  Засгийн газрын хэрэгжүүлэгч агентлаг Хүүхдийн төлөө газартай хамтран “Найрамдал” олон улсын хүүхдийн амралтанд амрах эрхийн бичгээр шагнах аж.
“ДҮНЖИНГАРАВ -2012” ХАВРЫН ТӨВИЙН БҮСИЙН ХУРДАН МОРИНЫ УРАЛДААНЫ ХӨТӨЛБӨР

7.00-7.30           Лам нар ном хурах

7.00-8.00           Эрлийз морьдын дээд нас  морьдох

9.30                   Эрлийз морьдын дээд нас  барианд орох

10.00                 Азарга морьдох

11.30                 Азарга барианд орох

12.00                 “ДҮНЖИНГАРАВ-2012”  Хаврын төвийн  бүсийн уралдааны  нээлт
                          Эрлийз морьдын дээд насыг цоллох
12.00                 Их насны морь мордох

14.00                 Их насны морь барианд орох

14.30                 Соёолон морь мордох

16.00                 Соёолон морь барианд орох

16.30                 Хаалтын ажиллагаа. Түрүүлж айрагдсан морьдыг цоллож, бай шагнал гардуулах