СПОРТЫН МАСТЕР, УЛСЫН АЛДАРТ УЯАЧ ДААЯАГИЙН ПҮРЭВДОРЖ

Хуучны Хантайшир уулын аймгийн Сүжигт Гүний хошуу буюу одоогийн Говь-Алтай аймгийн Шарга сумаас Тод манлай уяач нэг, улсын Алдарт уяач хоёр төрөн гарсан байдаг. Даян түмний эх хурдан хүрэнгийн эзэн Тод манлай уяач Хадбаасангийн Бат-Эрдэнэ Шарга сумаар овоглодог бол тахиа жилийн босгон дээр төрийн хишиг хүртсэн Намсрайжавын Зоригт мөн энэ нутгийн хүү. Харин энэ нутгаас тодорсон анхны улсын Алдарт уяач бол Дааяагийн Пүрэвдорж агсан юм. Хул адуугаар одтой наадагч Д.Пүрэвдорж 1938 онд /Халиун сумын Олонбулаг багийн нутаг/ Баянбулаг хэмээх газар Дааяагийн хоёр дахь хүүхэд болон мэндэлсэн бөгөөд 1946-1950 онд Шарга сумын бага сургуулийг төгсч, 1960-1991 оныг хүртэл “Говийн хөгжил” нэгдэлд тэмээчнээр ажиллаж байжээ. Олон тооны тэмээг уналга ачлаганд сургаж сумын Аварга малчнаар хоёр удаа шалгарсан тэрээр 1987 онд МУ-ын спортын мастерын болзол хангажээ. Д.Пүрэвдорж нь сайн тэмээчин төдийгүй аймаг, сумандаа алдартай уяач байсан агаад  аймаг, сумын баяр наадмаас 69 айраг, түрүү хүртэж 1997 онд МУ-ын Алдарт уяач хэмээх эрхэм цолны эзэн болжээ. Ингээд түүний амжилтын товчооныг хүргэе.
Аймгийн баяр наадмын амжилт:
1973 онд халиун хязаалан аман хүзүү
1974 онд бор хязаалан түрүү
1975 онд хул азарга айргийн гурав
1976 онд хул азарга түрүү
1977 онд хул азарга айргийн дөрөв
1977 онд хул даага айргийн тав
1979 онд хул азарга аман хүзүү
1979 онд хул даага айргийн дөрөв
1979 онд хээр даага айргийн тав
2001 онд халтар соёолон айргийн гуравт              

Сумын баяр наадмын амжилт:
1974 онд Шарга сумын 50, “Говийн хөгжил” нэгдлийн 20 жилийн ойд хязаалан аман хүзүү
1975 онд бор соёолон айргийн гурав
1976 онд хул азарга түрүү
1977 онд хул азарга айргийн дөрөв
1977 онд хул даага түрүү
1978 онд хул шүдлэн айргийн тав
1979 онд хул даага айргийн дөрөв
1979 онд хул азарга аман хүзүү
1980 онд хул азарга айргийн тав
1980 онд хул шүдлэн айргийн гурав
1984 онд сумын 60 жилийн ойгоор хул азарга түрүү
1984 онд сумын 60 жилийн ойгоор хээр соёолон түрүү
1991 онд даага айргийн дөрөв
1991 онд хээр азарга айргийн тав
1995 онд шарга даага аман хүзүү
1997 онд хүрэн хязаалан айргийн тав
1998 онд хүрэн соёолон айргийн дөрөвт
1999 онд халтар азарга айргийн дөрөв
1999 онд шарга хязаалан аман хүзүү
2001 онд халтар соёолон түрүү
2003 онд хүрэн хязаалан түрүү
2004 онд сумын 80 жилийн ойгоор хүрэн азарга айргийн тавд
2005 онд сартай хээр шүдлэн айргийн дөрөв
2005 онд хонгор даага айргийн тав
2006 онд Гоё хүрэн азарга түрүү
2006 онд халтар морь түрүү
2007 онд хүрэн азарга түрүү
2007 онд хээр шүдлэн айргийн гурав
2007 онд хээр даага айргийн тав
2009 онд хүрэн азарга айргийн гурав
2009 онд халтар шүдлэн дөрөв Жороо морины амжилт:
2001 онд бор морь түрүү
2006 онд бор морь дөрөв
2006 онд хонгор түрүү
2007 онд хонгор морь түрүү
2008 онд хонгор морь түрүү
2009 онд хонгор морь аман хүзүүнд тус тус хурдалжээ.
Унаган адуугаараа урамтай наадагч буурал Алдарт 2001 онд бурхны хүлгийн уяа тааруулахаар тэнгэрийн орноо оджээ.

"Тод магнай" сэтгүүл. Говь-Алтай аймгийн тусгай дугаар