“Эрдэнэт хүлэг”-ны шилдгүүд тодорчээ

Орхон аймагт МСУХ үүсгэн байгуулагдсаны  түүхт 20 жилийн ой өнөө жил тохиож буй. Тус холбоо нь 1995 оны 05-р сарын 25-нд үүсгэн байгуулагдсан бөгөөд орон нутаг дахь анхны салбар холбоо юм.  Тэр ч утгаараа 20 жилийн ойн арга хэмжээ, шинэ жилийн цэнгүүнд ММСУХ-ны төлөөлөл, Ерөнхий нарийн бичгийн дарга П.Сэргэлэн, ММСУ-ын холбооны тэргүүлэгч Я.Болдбаатар мөн  хамтран ажилладаг байгууллагуудын төлөөлөл хүрэлцэн ирсэн байсан юм.
П.Сэргэлэн 20 жилийн ойгоо тэмдэглэж буй  Орхон аймгийн нийт уяачид, уралдаанч хүүхдүүд, хурдан морины зүтгэлтнүүд болон “Эрдэнэт хүлэг” МСУХ-ны удирдлагуудад баярын мэндчилгээ дэвшүүлээд ММСУХ-ны “Хүндэт өргөмжлөл”-ийг гардуулсан юм.
20-н жилийн ойн баярын үеэр тус холбоог үүсгэн байгуулах , бэхжүүлэн хөгжүүлэхэд хувь нэмрээ оруулсан үе үеийн уяачид , хурдан морь сонирхогчид, морины зүтгэлтнүүдийг алдаршуулах, урамшуулсаны зэрэгцээ 2015 оны шилдэг есөн  уяач, есөн уралдаанч хүүхэд, шилдэг гал уяа, шилдэг ивээн тэтгэгчдийг тодруулан шагнажээ. Ингээд шилдгүүдийг танилцуулъя.
Шилдэг уяач:
Дэмбэрэлийн Нацагдорж-“Тод магнай” гал, уралдаанч Азжаргалын Мөнх-Оргил /Наранцогцолбор тав дугаар ангийн сурагч/
Чойнболын Баярбаатар, уралдаанч Долгорсүрэнгийн Мөнх-Отгон /Наранцогцолбор зургаа дугаар ангийн сурагч/
Түмэн-Аюушийн Батмөнх “Хойморын хурд” гал, уралдаанч Баттогтохын Ган-Эрдэнэ /”Эрдмийн сан” цогцолбор зургаа дугаар ангийн сурагч/
Хорлоогийн Баттулга “Тод магнай” гал, уралдаанч Батчөдөрийн Цогбадрах /Эрдэнэт цогцолбор/
Хишигсүрэнгийн Баярсайхан “Хангалуун хурд” гал уралдаанч Дэлгэртуяагийн Батхишиг /Орхон аймаг Жаргалант сум найм дугаар ангийн сурагч/
Мижиддоржийн Пүрэвдорж /”Эрдэнэт хурд” гал, уралдаанч Бат-Эрдэнийн Ган-Эрдэнэ 18 дугаар сургууль”
Ганжаргалын Зоригтбаатар, уралдаанч Хишиг-Очирын Цогбадрах /долоо дугаар ангийн сурагч/
Цэрэндоржийн Амгаланбаатар, “Хангайн хурд” гал, уралдаанч Ганболдын Болд-Эрдэнэ “7-р сургуулийн 6в ангийн сурагч/
Шилдэг гал уяа:
“Хангайн хурд” гал /Орхон аймаг Баян-Өндөр сум/
Шилдэг ивээн тэтгэгч:
Д.Даваасамбуу /тэргүүн/ /”Эрдэнэт” үйлдвэр ХХК-ийн Ерөнхий захирлын Үйлдвэрлэл эрхэлсэн орлогч захирал/
Б.Соёл-Эрдэнэ /тэргүүлэгч/ “SACC” ХХК-ийн захирал нар тус тус шалгарчээ.
Анх Булган аймгийн Орхон, Бугат, Хангал, Ингэт сумдын 40 гаруй уяачдын оролцоотойгоор үүсгэн байгуулагдаж байсан “Эрдэнэт хүлэг” МСУХ өнөөдөр 160 гаруй гишүүдтэй болоод буй бөгөөд түүнээс  МУ-ын Манлай уяач хоёр, МУ-ын Алдарт уяач зургаа, 80 шахам аймгийн Алдарт уяач цолтонгууд  төрөөд байна.
Тус холбоо улс, бүсийн чанартай есөн уралдааныг амжилттай зохион байгуулж , “Эрдэнэт” үйлдвэр ХХК-ийн инженер Д.Байгалийн санаачилгаар гарааны төхөөрөмжийг зохион бүтээн нэвтрүүлж, МУ-ын Манлай уяач Д.Чулуунбат Монгол улсад анх ойрын зайн уралдааныг зохион байгуулж , тэргүүн Д.Даваасамбуугийн санаачилгаар уралдаанч хүүхдийн эрүүл мэнд аюулгүй байдлыг хангах үүднээс хамгаалах хэрэгслийг 100 хувь хэрэглэж хэвшүүлсэн зэрэг хурдан морины хөгжлийн түүхэнд олон чухал санаачлагыг дэвшүүлэн хэрэгжүүлж байсан манлайлагч хамт олон юм. Энэхүү амжилтыг нь ММСУХ-ноос үнэлж хоёр удаагийн шилдэг холбоогоор тодруулж байжээ.
Б.Эрдэнэсүрэн