“Түмэн Эх”, “Задгай буюу босоо хээр” морины хүндэтгэлийн наадмаас...

Байгаль орчин, Ногоон хөгжил, Аялал жуулчлалын яамны төрийн нарийн бичгийн дарга, Монгол Улсын Манлай уяач Ц.Цэнгэлийн “Түмэн Эх”, “Задгай буюу босоо хээр” морины хүндэтгэлийн наадам 2015 оны 7-р сарын 29, 30-ны өдрүүдэд  Булган аймгийн Могод сумнаа болж, “ХАСВУУ” ХХК, “ДСЦТС”ХК-ийн 58 ажилтан  хамтран  амжилттай зохион байгууллаа.  Энэхүү наадмын бөхийн барилдаанд улс, аймаг, сумын  цолтой нийт 64 бөх барилдаж, хурдан морины уралдаанд Улаанбаатар хот, Орхон, Архангай , Сэлэнгэ, Төв , Өвөрхангай,  Булган аймгийн сумдаас ирсэн гурван насны нийт 260 гаруй алтан туурайтан тоосоо өргөж, сурын харваа, шагайн харваа, Хос морьтон шалгаруулж, Булган аймгийн Могод сумын ард иргэдийн тоглож ирсэн Бажи буюу Даансны тэмцээнийг сэргээн тоглуулж бусад тэмцээнийхээ шагналт байруудаа тодрууллаа. 
“Түмэн Эх”, “Задгай буюу босоо хээр” морины хүндэтгэлийн наадамд хүндэтгэл үзүүлж улс төр, төр нийгмийн зүтгэлтэнүүд болон урлаг, спорт гэх мэт салбартаа тэргүүлж буй олон арван зочид хүрэлцэн ирсэн бөгөөд өргөн олон түмнийг хамарсан дэлгэр  сайхан наадам болсныг дурьдах зүйтэй . 
Наадмын үйл ажиллагаан дээр Хөдөө аж ахуйн тэргүүн, боловсролын тэргүүний ажилтан, Онцгой байдлын хүндэт медаль зэрэг цол тэмдгээр ажил бүтээлээ үнэлүүлж шагнагдаж шагналыг Шадар сайд У.Хүрэлсүх, УИХ-ын гишүүн Ц.Лүндээжанцан, Т.Бадамжунай, Байгаль орчин, Ногоон хөгжил, Аялал жуулчлалын яамны төрийн нарийн бичгийн дарга Ц.Цэнгэл, Булган аймгийн засаг дарга Д.Эрдэнэбат, Булган аймгийн Могод сумын засаг дарга Б.Даваа нар гардуулан баяр хүргэж амжилт хүслээ.
БӨХ
Бөхийн барилдаанд орон нутгийн төлөөллөөс найман хүний бүрэлдэхүүнтэй комисс гаргаж ажиллуулсан бөгөөд нийт улс, аймаг, сумын цолтой хүчит 64 бөх барилдан Булган аймгийн Могод сумын харъяат Монгол Улсын өсөх идэр начин Э.Энхбат түрүүлэн, Булган аймгийн Сэлэнгэ сумын харъяат Аймгийн арслан Д.Амарсайхан үзүүрлэж, Могод сумын харъяат аймгийн хурц Арслан Ө.Сүхбат,  Гурванбулаг сумын харъяат аймгийн Арслан У.Бат-Эрдэнэ нар шөвгийн 4-т шалгарсан бол шөвгийн наймд Архангай аймгийн харъяат Монгол Улсын харцага Р.Пүрэвдавга, Булган аймгийн Гурванбулаг сумын харъяат Монгол улсын начин И.Ёндонсамбуу,  Хөвсгөл аймгийн харъяат  Аймгийн хурц арслан Б.Ганхуяг, Булган аймгийн Орхон сумын харъяат Аймгийн заан Б.Түмэндэмбэрэл нар үлджээ.
МОРЬ
Хүндэтгэлийн наадмын хурдан морьдын уралдаанд нийт гурван насны 260 гаруй морь уралдсан.
Хязаалан-66
1.Төв аймгийн Бүрэн сумын уугуул, нийслэлийн Алдарт уяач Дашцэрэнгийн хар. Уралдаанч Ө.Анхбаяр
2.Архангай аймгийн Өлзийт сумын уугуул, аймгийн Алдарт уяач Д.Мөнхжаргалын халиун. Уралдаанч Т.Жанлавцогзол
3.Булган аймаг Дашинчилэн сумын уугуул, аймгийн Алдарт уяач Д.Зоригтын  хээр. Уралдаанч Д.Нямжаргал 
4.Булган аймгийн Хишиг-Өндөр сумын уугуул, аймгийн Алдарт  уяач О.Батжаргалын хүрэн.Уралдаанч Б.Батдэлгэр 
5.Булган аймгийн Баяннуур сумын уугуул,  аймгийн Алдарт  уяач Ч.Содномын зээрд. Уралдаанч И.Хасбаатар 
Соёолон-72
1.Төв аймгийн Бүрэн сумын уугуул, нийслэлийн Алдарт уяач Дашцэрэнгийн загал. Уралдаанч Ө.Анхбаяр 
2.Булган аймгийн Дашинчилэн сумын уугуул, аймгийн Алдарт уяач Б.Буянбаатарын хонгор.Уралдаанч Д.Нямбаяр 
3.Булган аймгийн Гурванбулаг сумын уугуул,  уяач Ц.Бат-Эрдэнийн  сартай хар.Уралдаанч Б.Гансүх 
4.Булган аймгийн Гурванбулаг сумын уугуул, уяач Ц.Бат-Эрдэнийн  ногоон. Уралдаанч Б.Балжинням 
5.Сэлэнгэ аймгийн Сант сумын уугуул, аймгийн Алдарт уяач Ч.Жалирайжавын загал. Уралдаанч С.Батбаяр 
Их нас-135
1.Булган аймгийн Дашинчилэн сумын уугуул, аймгийн Алдарт уяач Б.Буянбаатарын халтар. Уралдаанч Д.Нямбаяр 
2.Төв аймгийн Лүн сумын уугуул, уяач Ц.Эрхэмтөрийн буурал. Уралдаанч М.Тодбаяр 
3.Булган аймгийн Гурванбулаг сумын уугуул, уяач Ц.Бат-Эрдэнийн буурал.Уралдаанч Б.Гансүх 
4.Булган аймгийн Могод сумын уугуул, уяач Д.Ганбаатарын хээр. Уралдаанч Ц.Одбаяр 
5.Булган аймгийн Гурванбулаг сумын уугуул, уяач Г.Хишигдоржийн зээрд.Уралдаанч Г.Ихболд 
СУРЫН ХАРВАА
Сурын харвааны тэмцээнд насад хүрэгчид / Эрэгтэй, Эмэгтэй /, хүүхэд / Эрэгтэй, Эмэгтэй / гэсэн төрлөөр өрсөлдсөнөөс насанд хүрэгчдэд :
Эрэгтэй харваанд
I.  М.Баттулга
II.Ц.Ганзориг
III. А.Ариунболд
IV.С.Хишиг-Очир
V.Б.Эрдэнэбат “ДСЦТС” ХК
Эмэгтэй харваанд
I. С.Шоовдор /Үндэсний сурын спортын мастер, Аймгийн гоц мэргэн/
II. Д.Тавхар
III. З.Сарангуа
IV. Б.Долгоржав
V. Ц.Мандухай
Хүүхдийн харваанд: Эрэгтэй
I.  Б.Тэмүүжин
II. М.Отгондорж
III. Б.Мөнх-Эрдэнэ
IV. А.Ариун-Эрдэнэ
V. Г.Баяржавхлан
Эмэгтэй харваанд
I. Г.Мөнхшүр
II. З.Үүрийнтуяа
III. Б.Цацрал
IV. Б.Мөнгөнсар
V. Н.Баасан
ШАГАЙН ХАРВАА
Шагайн харвааны тэмцээнд Улаабаатар хот, Булган аймгийн ЗДТГ , Булган аймгийн Булган сум, Булган аймгийн Хишиг-Өндөр сум, Булган аймгийн Могод сум, Булган аймгийн Гурванбулаг сум I, II баг тус тус өрсөлдөж
I. Д.Энэбиш ахлачтай Улаанбаатар хотын “Хайрхан” баг
II. Д.Галбадрах ахлагчтай Булган аймгийн ЗДТГ-ын баг
III. Б.Оюунбат ахлагчтай Булган аймгийн Булган сумын багууд тодорлоо.
ХОС МОРЬТОН  
Хос морьтон шалгаруулах тэмцээнд  Могод сумын II багийн хос морьтон 1 хос, III багийн хос морьтон 5 хос, Хишиг-Өндөр сумын хос морьтон 1 хос зэрэг 7 хос морьтон оролцож 
I. Н.Батцэрэн  Л.Хонгор Хос хар алаг морьтой  /II баг /
II. Л.Батнасан М.Золжаргал Хос цохоор морь /III баг /
III. Э.Дэлгэрсайхан Э.Дэлгэрмаа       Хос халиун морь  /III баг /
IV. Л.Отгонболд Д.Гэрэлцэцэг       Хос шарга морь / III баг /
V. М.Мижиддорж Л.Мягмарцэцэг    Хос халиун морь /III баг /
VI.Н.Лхагвадорж Х.Оюунгэрэл       Хос сартай хүрэн морь / III баг /
VII. Э.Санжаажав Хос ногоон морь / Хишиг-Өндөр /
Наадмын нээлтийн үйл ажиллагаанд Дархан уул аймгийн “Залуучууд” театрын уран бүтээлчид оролцон ая дуугаа өргөсөн юм. Гол  цөм бол оройн шоу тоглолт байсан бөгөөд наадамчин олонд  шинэлэг сайхан үзэх юмтай хүн бүхний сэтгэлийг хөдөлгөсөн  арга хэмжээ болж өндөрлөсөн бөгөөд "Камертон" хамтлаг, дуучин Хангай, дуучин Болд, Чулуунчимэг, дуучин Батсүх, дуучин Отгонжаргал, хошин урлагийн “Эмоц”хамтлаг  ирж уран бүтээлийн дээжээсээ хүргэсэн юм. Шоуны төгсгөлд салют буудуулж залуусын инээд хөөр шуугиан нэг үдэш Могод сумын төв доргиолоо .

Д.Туваансүрэн