Залуусын хөгжилд хувь нэмрээ оруулж спортын томоохон тэмцээнүүдийг зохион байгуулдаг

М-Си-Эс Группын компаниуд хүүхэд залуусын чөлөөт цагийг зөв боловсон, үр өгөөжтэй өнгөрүүлэх, бие бялдрын болон нийгмийн хөгжилд нь хувь нэмрээ оруулах зорилгоор спортын томоохон тэмцээнийг зохион байгуулж, тууштай дэмжиж ирсэн. М-Си-Эс Кока-Кола компани “Спрайт” брэндийн нэрэмжит сагсан бөмбөгийн лигийн тэмцээнийг “TLG” ТББ-тай хамтран 2005 оноос хойш тогтмол зохион байгуулж байгаа бөгөөд энэ хугацаанд сагсан бөмбөг сонирхогч 13 мянга гаруй хүүхэд залуусын хүрээллийг үүсгэсэн бол мэргэжлийн лигийн тэмцээнийг “Mongolian Beverages Company”-ийн “Сэнгүр” брэнд жил бүр хамтран зохион байгуулж байна.
М-Си-Эс Кока-Кола компани Монголын хөлбөмбөгийн холбоотой хамтран өсвөрийн хөлбөмбөгчдийн “Хүслийн лиг” тэмцээнийг жил бүр зохион байгуулдаг бол “Mongolian Beverages Company”-ийн гудамжны хөл бөмбөг сонирхогчдын“Tiger Street Football” тэмцээн улам бүр хүрээгээ тэлэн өргөжсөөр байна. 2014 оны “Tiger Street Football” тэмцээнКамбож, Монгол, Сингапур гэсэн гурван улсыг дамжин зохиогдсон бөгөөд тэмцээний Монгол дахь тойрогт Камбож, Сингапур, Австрали, Вьетнамын 8 баг өрсөлдөж, Камбожийн “Daniel FC” баг тэргүүн байрт шалгарсан. Харин Сингапурт зохион байгуулагдсан “Tiger Street Football 2014”-ийн аварга шалгаруулах тоглолтонд Монголын “Blue Wolves”, “MNS” багууд Азийн хүчирхэг найман багтай өрсөлдөж, “Blue Wolves”-ынхон дэд байрт шалгарсан өндөр амжилт үзүүлсэн юм. “Tiger Street Football 2014”-ийн элч, төлөөлөгчөөр дэлхийн супер од Деко сонгогдсон бөгөөд тэрээр манай улсад хүрэлцэн ирж фанатуудтайгаа уулзсан. Тэрбээр сэтгүүлчдэд ярилцлага өгч, Барселона, Челсигийн фанатуудтай дотно яриа өрнүүлснээс гадна олны танил жүжигчин, дуучин, залуу бизнесмэнээс бүрдсэн багтай нөхөрсөг тоглолт хийж үзэгчдийг хөгжөөсөн юм.
М-Си-Эс Интернэйшнл компани, Монгол туургатны шатрын холбоотой хамтран энэ спортыг түгээн дэлгэрүүлж хөгжүүлэх, шатарчдын ур чадварыг дээшлүүлэх зорилгоор “Цагаан сар” тэмцээнийг уламжлал болгон зохион байгуулж байна. 2014 оны тэмцээнд улсын шилдэг шатарчид, тив дэлхий, олон улсын томоохон тэмцээнүүдэд амжилттай оролцон, медаль авсан өсвөрийн шатарчид зэрэг 2000-аас дээш чансаатай нийт 70 гаруй тамирчид швейцарь системээр есөн өрөг тоглосноос Олон улсын Их Мастер Б.Хатанбаатар тэргүүлж, Олон улсын шатрын холбооны мастер С.Ган-Од, Н.Төвсанаа, М.Гүнбаяр, ОУ-ын Их мастер Д.Шаравдорж нар удаалсан юм.