Адууны мэдрэлийн тогтолцоо

Мэдрэлийн системийн төв нь нуруутай холбогдсон тархи юм. Эндээс мэдрэлийн замууд салаална. Мэдрэлийн судлуудын үзүүр нь өвдөлт, халуун хүйтэн, таашаал, эвтэй болон эвгүй байдлыг мэдрэлийн төвд дохиолдог ба удирдлагыг тархи гүйцэтгэнэ. Тархинаас гарсан мэдрэлийн судлууд булчинд дохио өгөн буюу мэдрэлийн систем адууны бүх бие организмын ажиллагааг удирдана. Хамар, нүд, чихэн дэх мэдрэлийн судлын төгсгөл нь үнэр, хараа, сонсгох мэдрэмжийг тархинд өгдөг. Мэдрэлийн систем нь адууны мэдрэмжийг тодорхойлох мэдрэлийн судлуудаас бүрддэг маш нарийн тогтолцоо юм. Энэ нь биеийн гаднах болон дотрох өөрчлөлтөнд хариулж, болж буй үйл явцын талаар шийдвэр гаргана. Мэдрэлийн систем гадны өдөөгчид маш мэдрэг байдаг.

"Дэлхийн адуу" номноос