Орхон аймгийн шинийн 15-ны хаврын уралдаан амжилттай зохион байгуулагдав

Орхон аймгийн  “Эрдэнэ хүлэг” МСУХ сар шинийн баярыг тохиолдуулан зохион байгуулдаг уламжлалт уралдаанаа 2015 оны гуравдугаар сарын 15-ны билэгт сайн  өдөр Хүрэн шандын хөндий хэмээх газарт зохион явууллаа. Уралдаанд Орхон, Булган, Сэлэнгэ, Говь-Алтай, Төв, Дархан-Уул зэрэг зургаан аймгийн уяачид 170 шахам хурдан хүлэг морьдоо уяж сойн оролцсон юм.
Их насны морьдын уралдаанд:
Түрүү магнайд Орхон аймйгийн  Баян-Өндөр сумын уяач Х.Баттулгын  бор,
Аман хүзүүнд Орхон аймгийн Баян-Өндөр уяач Ч.Дашийн хүрэн,
Айргийн гуравт Төв аймгийн Батсүмбэр сумын уяач Ц.Батсайханы бор,
Айргийн дөрөвт Орхон аймгийн Баян-Өндөр сумын уяач Ж.Шинэ-Эрдэнийн цавьдар,
Айргийн тавд Орхон аймгийн Баян-Өндөр сумын уяач А.Болд-Эрдэнийн хүрэн тус тус хурдаллаа.
Азарга насны морьдын уралдаанд:
Орхон аймгийн Баян-Өндөр сумын уяач Д.Батдэлгэрийн сартай хонгор түрүүлж, Орхон аймгийн Жаргалант сумын уяач Х.Бямбацогтын хүрэн хүзүүдсэн бол айргийн гуравт Булган аймгийн Орхон сумын уяач Б.Амгаланбаатарын хүрэн, айргийн дөрөвт Орхон аймгийн Баян-Өндөр сумын уяач Ц.Эрдэнэбаярын хүрэн халзан, айргийн тавд Орхон аймгийн Баян-Өндөр сумын уяач Т.Отгонбаярын  хүрэн тус тус хурдалсан юм.  
Соёолон насны морьдын уралдаанд:
Орхон аймгийн Баян-Өндөр сумын уяач Д.Даваасамбуугийн  хээр  түрүүлж, Орхон аймгийн Баян-Өндөр сумын уугуул Э.Орхоны хул аман хүзүүдсэн бол айргийн гуравт Орхон аймгийн Жаргалант сумын уяач Д.Ганбатын зэгэл, айргийн дөрөвт Орхон аймгийн Жаргалант  сумын уяач Ариунболдын зээрд, айргийн тавд Сэлэнгэ аймгийн Сант сумын уяач Наранцогтын ухаа тус тус хурдаллаа.
Эрлийз дээд насны морьдын уралдаанд:
Говь-Алтай аймгийн Бигэр  сумын уяач Д.Түвшинжаргалын халзан, Орхон аймгийн Баян-Өндөр  сумын уугуул  Д.Өсөхбаярын  бор, Орхон аймгийн Жаргалант сумын уяач С.Цацралтын хүрэн, Орхон аймгийн Баян-Өндөр сумын уугуул Б.Ууганбаярын халиун, Орхон аймгийн Жаргалант сумын уяач Т.Түвшинтөгсийн алаг тус тус түрүүлж, айрагдсанаар Орхон аймгийн “Эрдэнэт хүлэг” МСУХ-ны хаврын уралдаан зохион байгуулалт сайтай морь, хүүхдийн аливаа асуудалгүй амжилттай болж өндөрлөв.
“Эрдэнэ хүлэг” МСУХ