Уралдаанч Н.Мөнх-Эрдэнэ: Туваан ахын морийг унаж айрагдууллаа

-Хул үрээгээ айргийн гурваар хурдлуулсан авхаалжтай хүүд баяр хүргэе?
-Баярлалаа. Би “Босоо хүлэг” галын унаач. Мөнхбат Тод манлайгийн морьдыг унадаг. Энэ жил Туваан ахын морийг унаж айрагдууллаа.
-Уралдааны морь унадаг болсоор хэдэн жил болж байгаа вэ?
-Долоон жил болж байна. Энэ жил 13 настай.
-Өмнөх жилүүдэд ямар амжилт гаргаж байсан бэ?
-Зөндөө, мартчихаад байна. Гэхдээ бүсийн уралдаануудад дунд хавиар л орж байсан даа.
-Улсын наадмын дараа бүсийн уралдаанууд залгадаг. Ер нь хаана, хаана очиж наадав?
-Говийн бүсийн уралдаанд хул үрээ дөрөвт, хээр соёолон тавлуулсан. Мөн Ар хустад очиж уралдаад дөрвөн айраг хүртсэн.
-Гурван жилийн өмнөөс Монгол Глобал компани улсын наадамд морио айрагдуулж, түрүүлгэсэн хүүхдүүдийг сая төгрөгийн хадгаламжийн дэвтэр нээлгэх эрхээр шагнадаг болсон. Хадгаламжийн дэвтрээ нээлгэсэн үү?
-Нээлгэж амжаагүй л байна. 

"Тод магнай" сэтгүүл №56