Дэлтэй Цэнхэрийн “Ирээдүйн түмэн эх-2014” хурдан дааганы уралдаан

Хөвсгөл аймгийн "Дэлтэй Цэнхэр" Морин Спорт Уяачдын холбооны нэрэмжит аймгийн бүсийн уралдаан Хөвсгөл аймгийн Бүрэнтогтох сумын Бүрэнхаан багийн нутагт 2014 оны 10 дугаар сарын 1-ний өдөр боллоо.
Энэ жилийн “Ирээдүйн түмэн эх”-ийн онцлог бол Монголын төр, шашны нэрт зүтгэлтэн Жалханз хутагт Ц.Дамдинбазарын мэндэлсний 140 жилийн ойн хүрээнд зохиогдож байгаа бөгөөд, “Жалханз хутагт” сангийн санаачилгаар түүний шавилан сууж, төр шашны хэргээ шийтгэн байсан нутагт хөшөөг нь босгож, нутгийн олон түмэнд нь хүлээлгэн өгч хурдан даага уралдуулж, хүчит бөхчүүдээ барилдуулж, сайхан наадлаа. Уг наадмыг аймгийн Иргэдийн Төлөөлөгчдийн хурал, "Дэлтэй Цэнхэр" МСУХ, "Жалханз хутагт" сан, Бүрэнтогтох сумын ИТХ хамтран зохион байгуулж, Хөвсгөл аймгийн Тариалан, Арбулаг, Алаг-Эрдэнэ, Бүрэнтогтох, Шинэ-Идэр, Мөрөн, Түнэл, Их-Уул, Цагаан-Уул зэрэг 9 сумын 54 хурдан хүлгүүд шандас шалгасан юм.
“Ирээдүйн түмэн эх”-үүдийн цувааг танилцуулья.
1.Хөвсгөл аймгийн Тариалан сумын залуу уяач О.Баасанцэрэнгийн сартай хүрэн. Тариалан сумын МУАУ Г.Доржпүрэвийн унаган адуу.
2.Хөвсгөл аймгийн Тариалан сумын залуу уяач О.Баасанцэрэнгийн хүрэн даага аман хүзүүдлээ. Тариалан сумын МУАУ Г.Доржпүрэвийн унаган адуу. Ийнхүү Баасанцэрэн уяач аймгийн бүсийн уралдаанд түрүү аман хүзүүнд даагаа хурдлуулж наадамчин олноо баярлууллаа.
3.Хөвсгөл аймгийн Тариалан сумын уяач Б.Нямсүрэнгийн “Магнай хул”. Хул даага Булган аймгийн Хутаг-Өндөр сумын 90  жилийн ойн наадамд түрүүлж, Хөвсгөл аймгийн Тосонцэнгэл сумын 90 жилийн ойд 6-д давхиж байсан.
4.Хөвсгөл аймгийн Бүрэнтогтох сумын уяач Батсуурийн хүрэн халзан
5.Хөвсгөл аймгийн Цагаан-Уул сумын уяач Замлинжамцын хүрэн даага 
6.Цагаан-Уул сумын уяач Бямбасүрэнгийн шарга
7.Цагаан –Уул сумын уяач Сүхбатын хүрэн
8.Цагаан-Уул сумын уяач Х.Чулууны хээр
9.Цагаан Уул сумын уяач Мөнхбаярын халиун.
10.Цагаан –Уул сумын уяач Гомбодоржийн саарал тус тус хурдаллаа.

Т.Наранхүү