Спортын сэтгэл хөдлөм агшин бүрийг “Сүлд” телевизээс

Спорт сонирхогчдод нэгэн таатай мэдээ хүргэхэд өнгөрсөн долоо хоногоос эхлэн Монголд зөвхөн спорт үзүүлэх нэгэн шинэ телевиз гарч эхэллээ. “Сүлд” телевиз нь үндэсний болон гадаадын спортын уралдаан тэмцээн, үйл явдлуудыг үзэгчдэд цаг тухайд нь шинэлэг байдлаар хүргэх зорилт тавин ажиллаж байна. Эфирийн нээлтээ хийхдээ шууд улсын баяр наадмыг дамжуулан үзүүлсэн энэ телевиз нь одоогийн байдлаар Скаймедиа, DDish, MNBC, Хийморь кабелийн 19-р суваг, Юнивишний 51-р суваг /8 дугаар сарын 1-нээс мөн 19-р суваг руу шилжинэ/ дээр гарчбайгаа ба тун удахгүй “Сансар” кабелийн телевизээр мөн гарч эхлэх юм. “Сүлд” телевиз нь 13-р хорооллын Натур худалдааны төвийн ойролцоо байрладаг ба холбогдох утас нь 70000033. Та бүхэн спортын сэтгэл хөдлөм агшин бүрийг “Сүлд” телевизээс хүлээн авч үзээрэй.