Ахиж байна уу,атийж байна уу? хараарай

Уяач Өндөршилийн халзан Гүр  нас дээр гарсан ч морь уях, амаараа ярих хоёр нь хариагүй аж. 1985 оны үед цагаан сарын дараа азарга ,хавчиг морь уралдана гэсэн зар таржээ.      
Уралдаан дээр  Гүр өвгөн хавчиг хээр морио уяад ирчихсэн азарга ирэхийг хүлээгээд морь барианаас зайдуу зам тосоод шогшиж явж. Тэгтэл Өндөршилийн Жөөжийн хүргэн  Батсуурьт инжинд очсон цагаан азарга түрүүлээд ирж байхаар нь  Гүр гуай морьтой дайрч үзэхэд цагаан азарга ахихгүй харин сууж байна гэнэ. Азарга ирсэний дараа Батсуурь Гүр гуайд “та настай хүн байж түрүүлж ирж байгаа азаргыг хажуунаас нь дайрлаа” гэж дургүйлэхэж. Гүр гуай өөдөөс нь
-Битгий дэмий юм яриад бай? Гүрд хурд байсан уу гэхээс Жөөжид хурд байгаагүй. Сайн адуу чинь дайрч байхад ахиж байдаг болохоос чиний азарга шиг атийж байдаггүй юм. Чи хурдан адуу ямар байдгийг миний хээр морийг хараарай” гэж томорчээ.
Халзан  Гүрийн хавчиг хээр морь гэж  хөл нь чөдрийн бөгжтэй болсон, эцэнхий юм мордууллаа гэнэ. Гүр гуай ч морио мордуулчихаад зам тосоод зүүн овоон дээр ганцаараа гараад сууж байж. Морьд гараад иртэл ганц бараан адуу тасарсан нь Гүр гуайн хавчиг хээр мөн байв.Өвгөн мориндоо мордон тосч очоод хажуугаар нь гуугалж хашгираад дайрахад хээр морь улам ахиж байхыг харсан тэрээр “та нар харж байна уу?Хурдан адуу гэдэг чинь дайрах тусам ингэж ахиж байдаг юм. Та нарынх шиг атийж байдаггүй юм” гэж чанга дуугаар хэлжээ. Чадаж байгаа юманд арга байхгүй гэж энэ л байхдаа.