Дорноговь аймгийн уяачид, хурдан морины тухай тусгай дугаар худалдаанд гарлаа

Монгол түмний шүтээн морин жилийн босгон дээр эрхэм уншигч танаа сэтгүүлийнхээ шинэхэн дугаарыг өргөн барьж байгаадаа баяртай байна. Мориор дамжсан үндэсний өв соёлыг хойч үедээ түгээн дэлгэрүүлэх зорилготой “Тод магнай” сэтгүүлийн хамт олон 2012 оноос эхлэн аймаг бүрийн тусгай дугаарыг бэлтгэн хүргэж байгаа билээ. Монгол орны 21 аймаг, 300 гаруй сумдын уяачид, морины зүтгэлнтнүүд, шандаст хурдан хүлгүүдийн тухай цогцлон хүргэж буй тусгай дугаар энэ удаа Тайж, Банди адууны өлгий нутаг дорнын шаргал говиос бэлтгэгдэн уншигч танаа хүрч байна.
Дорнын шаргал говиос Монгол Улсын Тод манлай уяач, Манлай уяач цолтон тус бүр нэг, Улсын Алдарт уяач цолтон 10 төрөн гарсан байдаг бөгөөд тэдгээрийн сонирхолтой хууч, хурдан хурц хүлгэдийн тухай шимт мэдээллийг та бүхэн 16-45 хуудаснаас хүлээн авч уншаарай.
Дорноговь аймаг засаг захиргааны нэгжийн хувьд 14 сумтай. Сум бүрийн нэрийн хуудас болсон эрдэмт мэргэн уяачид, тэдгээрийн шандаст хурдан хүлгэдийн талаар та бүхэн дараа дараагийн хуудаснаас унших боломжтойн сацуу 2008-2013 он хүртэлх аймгийн баяр наадамд түрүүлж айрагдсан хурдан хүлгэдийн цуваа фото зургийг хүлээн авч үзээрэй.
Дорноговьчуудын зохион байгуулдаг  “Хутагтын хурд”, “Тайжийн хурд” хаврын уралдааны цар хүрээ жил ирэх тусам тэлж зэргэлдээ аймаг сумдын уяачдын хүсэн хүлээдэг наадам болж өргөжсөн юм.
Дээрх уралдаанд түрүүлж, айрагдаж байсан хурдан хүлгэдийг шинжих боломжийг “Тод магнай”-н шинэхэн дугаар олгож байгаа.
Товчхондоо эрхэм уншигч та бүхэн энэ удаагийн сэтгүүлээс Дорноговь аймгийн уяачид, хурдан морины тухай өнгөрсөн, эдүгээ цагийн цогц мэдээллийг авах боломжтой юм. Биднийг сонгож, бидэнтэй хамт байсан эрхэм уншигчдадаа баярлалаа.

Та бүхэн шинэхэн дугаараа "Интер” номын салбар дэлгүүрүүдээс болон сонин борлуулах цэгүүдээс худалдан аваарай. Мөн редакцийн 9509-2992, 9405-2992 дугаарт холбогдон авч болно.