Дорнгоговьд Б. Сангисүрэн түрүүллээ

Дорноговь аймагт шинэ үндсэн хуулийн 22 жилийн ойд зориулсан үндэсний бөхийн барилдаан болж,  аймгийн ИТХ, үндэсний бөхийн холбоо хамтран зохион байгуулсан.
Барилдаанд у.з Б.Соронзонболд, у.х Э.Оюунболд, у.н Н.Батзаяа, Б.Сангисүрэн, Б.Сугаржаргал, а.а Ё.Эрдэнэжаргал, Д.Болдбаатар, Л.Шинэбаатар, О.Хангай, Т.Буянжаргал, Д.Цэрэндаваа нараар манлайлуулсан хүчит 64 бөх зодоглон барилджээ. Бөхийн барилдааны 2-ын даваанд а.н Д.Төрболд а.а Ё.Эрдэнэжаргалыг, а.н А.Хосбаяр а.а Т.Буянжаргалыг, а.н Т.Ядамсүрэн а.а Б.Хишигбаатарыг, а.х А.Мөнхтүшиг а.з Н.Баттүвшинг тус тус өвдөг шороодуулсан байна.
Гурвын даваанд а.н Т.Ядамсүрэн у.н Н.Батзаяаг орхисон бол у.н Б.Сангисүрэн, Б.Сугаржаргал нар а.н А.Хосбаяр, а.а О.Хангай нарыг амлан авч шороодуулжээ.
Оноолтын даваанд а.н Т.Ядамсүрэн у.з Б.Соронзонболдыг хавираад давснаар энэ өдөр улсын цолтой 3 бөхийг дараалан өвдөг шороодуулж аймгийн арслан цолд хүрэхэд бэлэн болсноо илтгэн их шөвөгт шалгаран үлджээ.
Их шөвөгт у.х Э.Оюунболд а.н Т.Ядамсүрэнг шуудагдсан барьцнаас мөргөж түрээд шороодуулсан бол тунасан хоёрын барилдаанд ах начин мордоод давсан байна.
Үзүүр түрүүнд өнгөрсөн жилийн улсын наадмын 2-ын даваанд оноолт таарсан хоёр бөх шалгаран үлдэж начин шуудагдаж хавираад давснаар энэ барилдааны түрүү бөхөөр улсын хүчтэй начин Батмөнхийн Сангисүрэн тодорч, залуу харцага Энхтөгсийн Оюунболд үзүүрлэжээ. Их шөвөгт Өвөрхангай аймгийн Хархорин сумын харьяат, улсын залуу начин Болдпүрэвийн Сугаржаргал, Өвөрхангай аймгийн Баян-Өндөр сумын харьяат, аймгийн өсөх, нэмэх начин Төрбатын Ядамсүрэн нар үлдсэн байна.
Оноолтыг 3-ын даваанаас үзнэ үү.
Гурвын даваа
1. Б.Соронзонболд у.з - Д.Төрболд а.н
2. Э.Оюунболд у.х - А.Мөнхтүшиг а.х
3. Н.Батзаяа у.н - Т.Ядамсүрэн а.н
4. Б.Сангисүрэн у.н - А.Хосбаяр а.н
5. Б.Сугаржаргал у.н - О.Хангай а.а
6. Д.Болдбаатар а.а - Д.Цэрэндаваа а.а
7. Л.Шинэбаатар а.а - Ж.Алтаншагай а.а
8. Ц.Чимэддорж а.а - Ч.Ганзориг а.а
Дөрвийн даваа
1. Б.Соронзонболд у.з - Т.Ядамсүрэн а.н
2. Э.Оюунболд у.х - Ж.Алтаншагай а.а
3. Б.Сангисүрэн у.н - Ч.Ганзориг а.а
4. Б.Сугаржаргал у.н - Д.Цэрэндаваа а.а
Тавын даваа
1. Э.Оюунболд у.х - Т.Ядамсүрэн а.н
2. Б.Сангисүрэн у.н - Б.Сугаржаргал у.н
Зургаагийн даваа
1. Э.Оюунболд у.х - Б.Сангисүрэн у.н