Багануурын шилдгүүд тодорлоо

Арванхоёрдугаар сарын 2-нд болсон Монголын Морин Спорт Уяачдын холбооны 6-р их хурал УБ хотноо ОУ-ын Чингис зочид буудалд амжилттай зохион байгуулагдан тайлант хугацааны ажлаа дүгнэн, цаашид ажиллах зорилтоо тодорхойлон хэлэлцлээ. Улиран одож буй 2013 ондоо “11 000 морьтны жагсаал” “4000 гаруй хурдан морь нэгэн зэрэг уралдсан гээд Дэлхийн геннисийн амжилтанд бүртгүүлсэн дуулиант ажлууд хийгдсэн билээ. Уяачдын 6-р Их хуралд Багануур Бага-Хэнтий бүсийн уяачдын холбооны тэргүүн Ч.Элбэгсайхан, бүсийн нарийн бичгийн дарга Б.Бямбадорж, ажлын албаны зохицуулагч зохиолч Г.Даваасүрэн нар оролцоод иржээ. 2013 оны 12-р сарын 14-нд Багануур Бага-Хэнтий Бүсийн Морин Спорт Уяачдын Холбоо Оны шилдгүүдийг тодруулах “Морьтон цэнгүүн” шинэ жилийн баяраа амжилттай зохион байгууллаа.
2013 ондоо хурдан хүлэг морьдоо уяж сойн хурдлуулсан амжилтаараа “ Баавайн гал ” “Оны шилдэг гал” өргөмжлөл “Алтан гэрэгэ”-ийн эзэн боллоо.
“Оны шилдэг уяач”-аар уяач Д.Гомбодорж,
“Оны шилдэг залуу уяач”-аар уяач Нармандах,
“Оны шилдэг ивээн тэтгэгч” өргөмжлөл “Алтан гэрэгэ”-ийн эзнээр Ч.Элбэгсайхан тодорлоо.
“Оны шилдэг унаач хүүхэд”-ээр Пүрэвбаатар, Б.Мөнхбат, Ц.Отгонхүү, Д.Мөнх-Амгалан, Баярмагнай, Х.Чойсүрэндорж, Ц.Тэмүүлэн, Г.Буянжаргал, Н.Дорждэрэм, Б.Гүнбилэг нар шалгарч өргөмжлөл, өвлийн өвгөний бэлэг гардлаа. Цэнгүүний үеэр уламжлал ёсоороо шилдэг хаш, мана, этгээд сонин хөөрөг шалгарууллаа. Шилдэг хаш хөөргөөр Ч.Элбэгсайханы хаш хөөрөг, мана хөөргөөр уяач Чинбатын мана хөөрөг, этгээд сонин хөөргөөр уяач Баатархүүгийн хөөрөг тус тус шалгарлаа. Мөн урлагийн шилдэг үзүүлбэрийн шалгаруулалт болж МУ-ын Алдарт уяач Ганбат тэргүүнтэй “Цэнгэлийн манлай гал”, Чинбат тэргүүнтэй “Нар зөв эргэх” галууд манлайллаа.

Багануур дүүргийн МСУХ-ны тэргүүлэгч Г.Даваасүрэн