“Хийморь”-ийнхондоо баяр хүргэе

Монголын уяачдын шинэ жилийн цэнгүүний үдшийн шилдгүүдийн нэг нь “Хийморь” сайт, тус сайтын сэтгүүлч П.Ганпүрэв нар байлаа. Монголын үндэсний хурдан морины уралдаан, ММСУХ-ны бодлого, үйл ажиллагааг олон нийтэд  сурталчилан таниулах ажилд идэвх зүтгэл гаргаж ажилласан морины зүтгэлтэн болоод албан байгууллагад олгодог "ММСУХ-ны шилдэг хэвлэл мэдээллийн хэрэгсэл"-ээр ийнхүү Хийморь сайт сүүлийн гурван жил дараалан “түрүү магнай”-д хурдлаад байгаа юм.  Мөн жил бүр уламжлал болгон шалгаруулдаг "шилдэг бүтээл"-ийн шагналыг Пүрэвсүрэнгийн Дашдэмбэрэлийн "Түүхэнд мөнхөрсөн түмний эхүүд" ном хүртсэн гээд “Хийморь”-ийнхон 2013 оныг олз омог дүүрэн үдэж байна. Мэргэжил нэгт нөхдөдөө баяр хүргэж,  бүтээж туурвих их үйлсэд нь амжилт хүсье.

А.Дөл