Ойрын үед болоогүй онцгой сайхан барилдаан гэрэл зургийн дуранд

Завхан аймгийн Ургамал сумын харьяат, Хилийн цэргийн 0277-р анги, “Босоо хүлэг” ХХК-ий бөх сумын заан Пүрэвээгийн Өсөхбаатар, Дархан-Уул аймгийн Хонгор сумын харьяат, “Цайдам Ургац” ХХК-ий бөх, сумын заан Сүрэнжавын Очирбат нарын барилдааны “өнгө” дуранд маань ингэж буулаа.
1. Тэд намрын нээлтийн барилдааны их шөвөгт мөн барилдсан бөгөөд энэ удаад эрэмбэ өндөр П.Өсөхбаатар мөн амлаж авав.
2. Барьц булаалдах агшин
3. Хэн хэнийхээ хий зайг харж, барьцыг хориглон зогсоно.
4. Тэдний барилдааныг уран барилдаант Б.Улаалзгана заан анхааралтай харж байна. Тэр өмнөх дөрвөн ч даваанд учраагаа дархан өмсөх мэхээрээ даваад энэ даваанд Сайханы Г.Ганбаатарыг амлаад “хутгахаар” хүлээж буй нь энэ.
5. Энэ барилдааны оргил мөч. Дарханы Очирбат бас ч амаргүй бөх болохоо харуулж хонгодож хөөгөөд улмаар цацаж тавьсан боловч чөлөөтийн шилдэг Пүрэвээгийн Өсөхбаатар “кольцо” эргэх буюу гар дээрээ тулж эргэн тогтож буй нь. Ойрын үед ийм мэх, ийм мэдрэмж төдий л харагдаагүй дээ.
6. Тэд ахин сэнжиг элэг бүсний барьц авлаа.
7. Дараагийн барьц буюу шуудагнаас барилдаан үргэлжлэв.
8. Шуудагны барьцнаас Өсөхөө илүү давуу талтай байлаа.
9. Шуудагны барьцнаас Өсөхөө илүү давуу талтай байлаа.
10. Шуудагны барьцнаас Өсөхөө илүү давуу талтай байлаа
11.  Очироо хүнд байдлаас гарч тэд хав дөрвөлжин золголоо.
12.  Энэ удаад Очироо барьцны хувьд арай давамгай байв.
13.  Тэдний барилдаан удааширсан учир барьц шодож Очирбатын талаар буужээ. Хэн хэн нь аргагүй ядарсан харагдана.
14.  Сонгосон барьцнаас урагш хөнтрөв.
15. Хөнтрөөд дөрвөн хөллүүлсэн ч Өсөхөө тун сайн хамгаалж байна.
16. Очирбат араар тойруулсан барьцаа алдсан тул энэ удаад Өсөхөөгийн талаар барьц сонгох болж хөлийн цэц улсын хүндэт засуул Б.Ширхүү, засуул улсын тонж манлай засуул Д.Цогзол, улсын засуул Л.Чойжамц нар барьцыг бариулж байна.
Энэ барьцнаас Өсөхбаатар давсан бөгөөд энэ өдрийн хамгийн онцгой барилдаан, хамгийн их хүч шавхсан барилдаан энэ байлаа. Тэд их ядарсан нь дараагийн даваанд Өсөхбаатарын Энх-Очирхуягтай барилдсан барилдаанаас харагдаж байлаа.

МУИС-ийн оюутан Т.Түмэндэмбэрэл