Шилдгийн шилдэг адуучид тодорлоо

МУ-ын Ерөнхий сайдын ивээл дор, Монгол улсын  шилдгийн шилдэг Уран уургач, Бугуйлч, Эмнэг хангал сургагч шалгаруулах “Адуучин” тэмцээн  өчигдөр буюу аравдугаар сарын 6-нд Хүйн долоон худагт амжилттай болж өндөрлөлөө. Монгол орны 4 зүг, 8 зовхисоос ирсэн шилдэг 21 адуучин “Эр зориг” буюу уурга, ташуур шүүрэх, морьтой буюу явган шургуулж уургалах, бугуйлдах, эмнэг хангал булгиулах дөрвөн төрлөөр өрсөлдсөн юм. Эндээс төрөл тус бүрт эхний гурван байрыг шалгаруулсан бол нийлбэр онооны дүнгээр шилдгийн шилдэг таван адуучинг нэрлэлээ. Шүүгчдээр МУ-ын Тод манлай уяач Д.Онон, МУ-ын Манлай уяач С.Гийнаа нарын морины төлөө сэтгэл зүрхээ зориулан яваа энэ цагийн нэр нөлөө бүхий эрхмүүд ажилласан юм.  Цаашдаа уламжлал болон явагдах “Адуучин” тэмцээний шилдгүүдээр: 
Уурга шүүрэлт буюу Эр зоригтны тэмцээнд:
1. Дундговь аймгийн Эрдэнэдалай сумын адуучин Отгонсүх алтан медаль, 3 сая төгрөг
2. Баянхонгор аймгийн адуучин Д.Баатархуяг мөнгөн медаль 2 сая төгрөг
3. Орхон аймгийн адуучин Р.Шүхэрт мөнгөн медаль 1 сая төгрөг
Уран уургачдын төрөлд:
1. Хэнтий аймгийн Батноров сумын адуучин А.Алтаншагай алтан медаль, 3 сая төгрөг
2. Дорноговь аймгийн адуучин Е.Баасанхүү мөнгөн медөль, 2 сая төгрөг
3. Дорнод аймгийн адуучин Баяржаргал мөнгөн медаль, 1 сая төгрөг
Уран бугуйлчийн төрөлд:  
1. Сэлэнгэ аймгийн адуучин, МУ-ын Спортын мастер С.Батсуурь алтан медаль, 3 сая төгрөг
4. Өмнөговь аймгийн адуучин Ууганбаяр мөнгөн медаль, 2 сая төгрөг
2. Увс аймгийн адуучин Баатархүү мөнгөн медаль, 1 сая төгрөг
Булгианы төрөлд:
1. Говь-Алтай аймгийн Баян-Уул сумын адуучин Т.Бямбабаатар алтан медаль, 3 сая төгрөг
2. Хэнтий аймгийн адуучин Алтаншагай мөнгөн медаль, 2 сая төгрөг
3. Дорнод аймгийн адуучин Баяржаргал мөнгөн медаль, 1 сая төгрөг
Нийлбэр дүнгээр:
1. Хэнтий аймгийн Батноров сумын адуучин А.Алтаншагай алтан медаль, 8 сая төгрөг
2. Сэлэнгэ аймгийн адуучин С.Батсуурь мөнгөн медаль, 7 сая төгрөг
3. Дорноговь аймгийн Айраг сумын адуучин Е.Баасанхүү мөнгөн медаль, 6 сая төгрөг
4. Өвөрхангай аймгийн Бүрд сумын адуучин Охинтогтох мөнгөн медаль, 5 сая төгрөг
5. Дорнод аймгийн Матад сумын адуучин Баяржаргал мөнгөн медаль, 4 сая төгрөгөөр тус тус шагнууллаа.

П.Ундраа