“Хурдан морь унаач хүүхдийн хамгаалал-2013” зөвшилцөх уулзалт болж байна

“Хурдан морь унаач хүүхдийн хамгаалал-2013” зөвшилцөх уулзалт өнөөдөр  боллоо. Энэ нь унаач хүүхдийн амь нас, аюулгүй байдлыг хамгаалах, хурдан морь унаж уралдах хүүхдийн хүсэл эрмэлзлийг зөв, ухаалаг дэмжих, хүүхдийн сурч боловсрох эрхийг хангах, хүүхдийг хөдөлмөрийн мөлжлөгөөс сэрэмжлэх, хүүхдийг морины галын бичил орчны сөрөг нөлөөнөөс урьдчилан сэргийлэх зорилгоор хүүхдийн өмнө үүрэг хүлээсэн нийгмийн талуудын ойлголт, хандлага, байр суурийг нэгтгэн хурдан морь унаач хүүхдийн эрх ашгийг хамгаалах зорилготой. Төрийн ордны “Б” танхимд болсон уулзалтад  Хүн амын хөгжил, нийгмийн хамгааллын яам,  Соёл, спорт аялал жуулчлалын яам, Эрүүл мэндийн яам, Хөдөлмөрийн яам, Үйлдвэр, хөдөө аж ахуйн яам,  Батлан хамгаалах яам, УИХ-ын эмэгтэй гишүүдийн бүлэг, Үндэсний их баяр наадмыг зохион байгуулах хороо, Хурдан морины салбар комисс, Нийслэлийн ЗДТГ, холбогдох агентлаг, Хүний эрхийн үндэсний комисс, Цагдаагийн ерөнхий газар, Стандартчилал, хэмжил зүйн газар, Морин спорт уяачдын холбоо, Хүүхдийн тэвчишгүй хөдөлмөрийг устгах үндэсний сүлжэ, Даатгалын байгууллагын нэгдсэн холбоо, зохицуулагч тал, Хүүхэд, хүүхдийн эцэг эх, асран хамгаалагчийн төлөөлөл, Уяачид, морины эздийн төлөөлөл оролцлоо.

А.Мөнх