Ч.Батзориг зааны санаачилсан хурдан морьдын уралдаан

Дорнод аймгийн Цагаан-Овоо сумын МCУХ, МУ-ын заан Ч.Батзориг санаачлан доод дөрвөн насны уралдаан 2013 оны гуравдугаар сарын 22-нд болсон билээ. Цагаан-Овоо сумын Хөөвөрийн нуурын дэнжид  болсон соёолон, хязаалан, шүдлэн, дааганы энэхүү уралдааныг сумын ИТХурал, Засаг дарга түүний Тамгын газар, сумын МСУХолбоо,  МУ-ын заан Ч.Батзориг, МУ-ын Ерөнхий сайдын зөвлөх Батбаяр нар түрүү магнайд хурдалсан хүлгэдийг тус тус нэг сая төгрөгөөр ивээн тэтгэсэн юм. 
Өглөө эртлэн 9 цагт газар газраас хуран цугласан соёолон насны 42 хүлэг гарааны зурхайгаас мордсоноос :
1. Дорнод аймгийн Хэрлэн сумын уяач Э.Доржрагчаагийн Ухаа халзан түрүүлж тод магнай, торгон жолоогоо өргүүллээ. /шинэ монгол/
2. Аман хүзүүнд Дорнод аймгийн Хэрлэн сумын уяач Ц.Ганболдын Сартай хүрэн соёолон давхив. /шинэ монгол/
3. Айргийн гуравт Дорнод аймгийн Баян-уул сумын уяач Х.Ганхуягийн Буудай соёолон хурдалжээ.
4. Айргийн дөрөвт Дорнод аймгийн Цагаан-Овоо сумын харьяат Ц.Эрдэнэцогтын Хонгор соёолон орлоо. Айрагдсан соёлонгийн уяа сойлгыг ААУяач Т.Батзориг тааруулсан байна. /шинэ монгол/
5. Айргийн тавд Дорнод аймгийн Цагаан-Овоо сумын харьяат аймгийн Алдарт уяач Өлзийтогтохын хүү Даваасүрэнгийн Хүрэн халзан соёолон  тус тус хурдалсан билээ. Энэхүү хурдан буянг аймгийн Алдарт уяач Г.Өлзийтогтох уяж  сойсон юм.     Ийнхүү Цагаан-Овоо суманд зохион явагдсан хурдан соёолонгийн уралдаанд Дорнод аймгийн Цагаан-Овоо сумын МСУХолбоо, уяачд 2  айрагтай наадлаа.  

Гарааны зурхайгаас 11 цагт 90 хурдан хязаалан мордож:
1. Дорнод аймгийн Цагаан-Овоо сумын гуравдугаар багийн уяач Цэрэндашийн Жаргалсайханы хүрэн хязаалан үрээ  түрүүллээ. 2012 онд Дорнод аймгийн Матад суманд 4 дүгээр сарын 5-нд явагдсан уралдаанд шүдлэндээ түрүүлж байсан хүрэн хязаалан ийнхүү амжилтаа баталлаа. /шинэ монгол/
2. Хэнтий аймгийн Дадал сумын уяач А.Бямбадоржийн Ухаа зээрд хязаалан
3. Дорнод аймгийн Чулуунхороот сумын уяач С.Мөнхбатын Цоохор хязаалан
4. Дорнод аймгийн Баян-Уул сумын уяач Д.Дашдаваагийн Ухаа хязаалан
5. Ховд аймгийн уугуул МУ-ын заан Ч.Батзоригийн хүү Б.Дэнзэнсамбуугийн Хүрэн хязаалан айргийн таваар хурдлан хурсан олноо цэнгүүлэв. Энэхүү үрээний уяа сойлгыг Дорнод аймгийн Цагаан-Овоо сумын харьяат аймгийн Алдарт уяач Б.Отгонболд тааруулсан байна. /шинэ монгол/
  Харин 13 цагт 94 хурдан шүдлэн төхөөрөмжний араас нэгэн зэрэг хөдөлснөөс:
1. Дорнод аймгийн Баян-Уул сумын уяач Бөхчулууны халтар
2. Дорнод аймгийн Хэрлэн сумын харьяат, аймгийн Алдарт уяач Ц.Эрдэнэцогтын хээр
3. Хэнтий аймгийн Дадал сумын уяач А.Бямбадоржийн ногоон
4. Дорнод аймгийн Цагаан-Овоо сумын 2 дугаар багийн залуу уяач Дамдины Батзоригийн халтар
5. Дорнод аймгийн Цагаан-Овоо сумын 4 дүгээр багийн залуу уяач Цэдэнжавын Одбаярын хүрэн шүдлэн үрээ тус тус айргийн таваар давхилаа.
 15 цагт 36 хурдан даага төхөөрөмжний араас нэгэн зэрэг хөдөлснөөс:
1. Дорнод аймгийн Цагаан-Овоо  сумын 3 дугаар багийн харьяат, сумын Алдарт  уяач Гүнсэнгийн Ганчулууны халтар /шинэ монгол/
2. Дорнод аймгийн Цагаан-Овоо  сумын 3 дугаар багийн харьяат, сумын Алдарт  уяач Гүнсэнгийн Ганчулууны зээрд /шинэ монгол/
3. Дорнод аймгийн Баян-Уул сумын залуу уяач Э.Бат-эрдэнийн цавьдар
4. Дорнод аймгийн Хэрлэн сумын харьяат, аймгийн Алдарт уяач Ц.Эрдэнэцогтын хүрэн
5. Дорнод аймгийн Хэрлэн сумын уяач Н.Батжаргалын хүрэн шүдлэн даага тус тус давхилаа.

Цагаан-Овоо сумын МСУХ-ны тэргүүн Б.Батхүү